Donjeta Sadiku e nis me fitore Kampionatin Evropian

Sadiku triumfoi në meçin e saj të parë në kategorinë deri në 60 kilogramë, duke mposhtur rusen Alina Pushkar dhe duke siguruar vazhdimin e garës në Evropian, përcjell albinfo.ch.

Boksierja kosovare hyri në këtë kampionat si një prej emrave kryesorë të përfaqësueses së Kosovës. Ajo ka përvojë të konsiderueshme në arenën ndërkombëtare dhe në karrierën e saj ka fituar medalje në gara të rëndësishme botërore dhe evropiane.

Me fitoren ndaj Pushkarit, Sadiku vazhdon rrugëtimin në Kampionatin Evropian, ku synon të avancojë drejt fazave përfundimtare dhe luftës për medalje.

Kosova po përfaqësohet në Evropian me disa boksierë, ndërsa garat në Sofje vazhdojnë me duelet e radhës të përfaqësuesve kosovarë.

The post Donjeta Sadiku e nis me fitore Kampionatin Evropian appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.