Dy gra nga Kosova shpëtohen në Shëngjin, u rrezikuan të mby*teshin në det

Dy gra nga Kosova, teksa ishin me pushime në Shëngjin, kanë qenë nën rrezikun për të mbytur mëngjesin e së premtes.

Rasti është regjistruar në qendër të Shëngjinit, ndërsa ka qenë vrojtuesi i plazhit i ndihmuar edhe nga pushues të tjerë, që kanë ndërhyrë për të nxjerrë nga uji dy gratë, raporton TopChannel.

Pasi janë nxjerrë në breg, ato janë dërguar me urgjencë në Spitalin Rajonal të Lezhës, nga ku mësohet se ndodhen jashtë rrezikut për jetën.

Ky është rasti i parë i një rreziku serioz për mbytje në ujë të pushuesve në Shëngjin, ndërsa evidentohet menjëherë nevoja e pranisë së pandërprerë të vrojtuesit të detit në plazh, pasi ndërhyrja e njërit prej tyre dha sinjalin sesi mund të shpëtohen jetë.