Fakulteti Filozofik i Universitetit të Tetovës dhe “Megjashi” e forcojnë bashkëpunimin për të rinjtë

Fakulteti Filozofik i Universitetit të Tetovës, më 17 prill 2026, ka nënshkruar një memorandum bashkëpunimi me Ambasadën e Parë të Fëmijëve në Botë “Megjashi”, duke shënuar një hap të rëndësishëm drejt thellimit të bashkëpunimit institucional në funksion të mbështetjes, mbrojtjes dhe fuqizimit të të rinjve.

Memorandumi u nënshkrua nga dekani i Fakultetit Filozofik Prof. Dr. Kushtrim Ahmeti dhe kryetari i kësaj organizate, z. Dragi Zmijanac.

Ky bashkëpunim synon të ndërthurë dimensionin teorik me atë praktik të formimit universitar, duke kontribuuar në zhvillimin e kompetencave profesionale, sociale dhe etike të studentëve.

Në kuadër të kësaj marrëveshjeje, palët angazhohen për ndërtimin e një partneriteti të strukturuar në fushën e zhvillimit profesional, duke krijuar mekanizma për përfshirjen aktive të studentëve në praktikë profesionale, aktivitete në terren dhe projekte të tjera.

Burimi i lajmit:ina-online.net
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.