Gruda i reagon Kurtit: S’kanë peshë më deklaratat e tua, ku ishe në tri javët e kaluara?
Deputeti i PDK-së, Përparim Gruda i ka reaguar Albin Kurtit lidhur me deklaratën e tij në mbledhjen e sotme të Qeverisë.
Kurti tha se kjo javë do të jetë vendimtare dhe shpreson se do të gjindet një marrëveshje për presidentin.
Sipas Grudës, Kurti në 3 javët e kaluara nuk pati asnjë përpjekje serioze për zgjidhje.
“Albin Kurti, po të mos donte zgjedhje, siç deklaroi sot, nuk do ta shpërdoronte as mundësinë e dytë që ia dha Gjykata Kushtetuese, 34 ditë shtesë. Mjafton të shihet se si u përdor kjo kohë: nga 34 ditë, 7 i kaloi në vizita të pafrytshme jashtë vendit, ndërsa tri javët e tjera pa asnjë përpjekje serioze për zgjidhje.
Tani, kur ka mbetur vetëm një javë, deklaratat politike nuk kanë më peshë, sepse veprimet destruktive të tij në të dy raundet për zgjedhjen e presidentit flasin më qartë se çdo fjalë.
Është për keqardhje që dikush me 51% të besimit qytetar po e shtyn vendin drejt një procesi të ri zgjedhor për arsye dhe inate personale. Qytetarët do të dijnë t’ia japin përgjigjen e duhur këtij mentaliteti” shkruan Gruda në reagim.
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.
