Inter ja pa hajrin Ligës së Kampionëve, ja milionat qe i fitoi!

Interi shkurtoi humbjet me miliona pas sezonit mbresëlënës në Ligën e Kampionëve

Përfundimi i Interit në vendin e dytë në Ligën e Kampionëve ka pasur ndikim të rëndësishme ekonomik, duke i ndihmuar ata të përgjysmojnë humbjet e tyre në krahasim me vitin e kaluar.

La Gazzetta dello Sport detajon se si bilancet e Nerazzurrëve për vitin që përfundon në qershor 2022 u mbyllën me humbje prej rreth 140 milionë euro, diçka që është reduktuar kryesisht nga ecuria e tyre e madh në garën kryesore të klubeve evropiane këtë sezon.

Interi do të marrë rreth 100 milionë euro nga UEFA falë përfundimit si vendi i dytë në Ligën e Kampionëve, dhe shitja e biletave nga garat evropiane i kanë sjellë klubit gjithashtu rreth 40 milionë euro. Sponsorizimi i Paramount, i veshur në finale, ishte me vlerë 4 milionë euro për klubin milanez.

Këtë sezon, Interi pritet të arrijë në 400 milionë euro të ardhura për herë të parë në historinë e klubit, gjë që do të çojë në humbje prej rreth 70-80 milionë euro për bilancin që përfundon në qershor 2023, një reduktim jetik.

Pavarësisht kësaj, Nerazzurrët do të duhet të ulin kostot dhe të ulin faturën e tyre të pagave.

Ata mund ta bëjë këtë duke shitur një lojtar të rëndësishëm të ekipit të parë këtë verë, ndoshta portierin Andre Onana.