Ja si mund ta shikoni EURO 2024 në televizor ose me tifozë të tjerë në Zvicër

Turneu i futbollit Euro 2024 hyn në fazën kryesore me eliminim direkt të shtunën me Zvicrën përballë Italisë.

Si mund t’i shikoni lojërat në TV zviceran ose në vende publike në qytetet e mëdha të Zvicrës?

Turneu filloi më 14 qershor dhe Kombëtarja e Zvicrës, e njohur si “Nati”, u kualifikua në 1/8 e finales.

Nëse dëshironi ta shikoni ndeshjen e sotme në televizorin tuaj në shtëpi, mund ta bëni këtë në të gjitha stacionet e transmetimit publik – SRF në pjesën gjermanofolëse, RTS në rajonin frëngjishtfolës dhe RSI në Ticino, transmeton albinfo.ch.

SRF do t’i shfaqë të gjitha ndeshjet e Euro 2024 drejtpërdrejt në TV, si dhe në srf.ch/sport dhe në aplikacionin SRF Sport.

RTS do t’i transmetojë të gjitha ndeshjet drejtpërdrejt në RTS 2, ose në aplikacionet Play RTS dhe RTS Sport.

RSI do të transmetojë të gjitha ndeshjet ashtu siç ndodhin.

Por, nëse preferoni të dilni dhe të shikoni lojërat me tifozë të tjerë, atëherë shumë opsione shikimi janë në dispozicion për ju.

Në disa qytete zvicerane do të krijohen ‘Fan zones’, të cilat do të ofrojnë jo vetëm ekrane gjigante televizive, por edhe jo pak argëtim (sidomos nëse Zvicra fiton).

Në Gjenevë, për shembull, ngjarja do të zhvillohet në Plaine de Plainpalais.

Në Cyrih, ndeshjet mund të shihen, siç duhet, në muzeun e FIFA-s, në Sports Bar1904, në Seestrasse 27.

Edhe Lozana do të ketë një Zonë Fan, të ngritur në Place de la Navigation në Ouchy.

Në Bazel, vendi i shikimit do të vendoset në Sallën e Tregut, në Steinentorberg 20./thelocal

The post Ja si mund ta shikoni EURO 2024 në televizor ose me tifozë të tjerë në Zvicër appeared first on Albinfo.