Isak Lazami zgjidhet kryetar i degës së ASH-së në Gostivar
Isak Lazami zgjidhet kryetar i degës së ASH-së në Gostivar
Aleanca për Shqiptarët (ASH) ka kryer sonte Kuvendin Zgjedhor të degës në Gostivar, si pjesë e procesit të riorganizimit të strukturave partiake në të gjithë vendin. Në këtë event, Isak Lazami u zgjodh kryetar i degës me votë unanime të të gjithë kuvendarëve të pranishëm.
Përveç zgjedhjes së kryetarit, u formua edhe kryesia e re e degës, duke shënuar një hap të rëndësishëm në konsolidimin e strukturave organizative të partisë në këtë zonë.
Ngjarja u shënua edhe nga prezenca e kryetarit të partisë, Dr. Arben Taravari, i cili foli për rëndësinë e organizimit të qëndrueshëm dhe strukturave të forta partiake. Ai bëri thirrje për angazhim aktiv dhe të përgjegjshëm të anëtarëve dhe aktivistëve në veprimtaritë e ardhshme të Aleancës për Shqiptarët.
“Ky kuvend përfaqëson një hap konkret në rrugën e forcimit të ASH-së në Gostivar dhe më gjerë, duke hedhur themele të shëndosha për një të ardhme më aktive dhe të organizuar në shërbim të qytetarëve”, tha Taravari gjatë fjalës së tij.
ASH thekson se mbetet e angazhuar në zgjerimin e rrjetit organizativ, me struktura aktive që do të jenë në shërbim të qytetarëve në të gjitha vendbanimet.
Me pak fjalë
Aleanca për Shqiptarët ka zgjedhur Isak Lazamin si kryetar të degës në Gostivar, duke konsoliduar strukturat partiake në këtë zonë. Kryetari i partisë, Dr. Arben Taravari, ka theksuar rëndësinë e organizimit të qëndrueshëm dhe angazhimit të anëtarëve për veprimtaritë e ardhshme.
Personat e përmendur
Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.
