Marotta mbetet duarbosh, Tare ia rrëmben objektivin e merkatos

Igli Tare ia jep goditjen e parë Marottas në merkato.

Jemi mësuar që derbi mes Milanit dhe Interit është tepër i zjarrtë në fushën e lojës apo edhe në tribuna, por tashmë këto dy ekipe do sfidohen në merkato.

Si Interi ashtu dhe Milani janë në kërkim të një qendërmbrojtësi, teksa është pikërisht ky i fundit që do të bëhet “mollë sherri” për dy ekipet e Milanos në merkaton e verës.

Sipas Calciomercato, Milan është përfshirë në garë për qendërmbrojtësin e Lazios, Mario Gila.

Spanjolli shkëlqeu me Lazion sezonin që lam pas dhe Allegri ka dhënë dritën jeshile për transferimin e tij në San Siro.

Gila ka kontratë me Lazion deri në vitin 2027 dhe për kartonin e tij Milan do të ofrojë 30 milionë euro.