Rama për “Der Spiegel”: MEK janë të mirëpritur në Shqipëri, por me një kusht

Kryeministri Edi Rama ka thënë të premten se anëtarët e MEK janë të mikpritur në Shqipëri me një kusht, të mos e përdorin vendin për operacionet e tyre.

Në një intervistë me prestigjozen Spiegel, i pyetur se pse Forcat e sigurisë zhvilluan një operacion në kampin e MEK-ut iranian, Rama është përgjigjur duke thënë se MEK ndodhen tashmë prej vitesh në Shqipëri duke shtuar se ata janë të mirëpritur në vendin tonë.

Por kryeministri ka thënë se kushti që MEK të jenë të mirëpritur, është që të mos e përdorin Shqipërinë për operacionet e tyre politike.  Ai ka theksuar se mysafirët tanë iranianë e kanë shkelur vazhdimisht këtë marrëveshje.

Intervista e kryeministrit Rama me gazetarin e Spiegel

SPIEGEL: Zoti Rama, javën e kaluar Forcat e sigurisë pranë Tiranës zhvilluan operacion në kampin e  MEK-ut iranian. Pse?

Rama: MEK-un e kemi prej disa vitesh në vendin tonë. Ata janë të mirëpritur, por me kusht që mos ta përdorin Shqipërinë si një platformë për operacionet e tyre politike. Mysafirët tanë iranianë e kanë shkelur vazhdimisht këtë marrëveshje.

SPIEGEL: Kompjuterët e qeverisë në Teheran janë hakuar dhe kanë qarkulluar dokumente të ndjeshme. Rreth 100 PC dhe dhjetëra Hard disqet thuhet se janë konfiskuar tani. Mund ta konfirmoni këtë?

Rama:  Shqipëria nuk ka synim të jetë në luftë me regjimin iranian. Shqipëria nuk pranon askënd që ka abuzuar me mikpritjen tonë.

Spiegel: Pse pranuat me kërkesë të presidentit amerikan Barack Obama në vitin 2016 për të pranuar mijëra muxhahedinë?

Rama: Ishte një operacion jetëshpëtues. Ne hapëm dyert tona sepse grupi, që atëherë vepronte nga Iraku u ndoq sistematikisht. Dhe nëse një mik si SHBA-uja na kërkon diçka, ne ndihemi të nderuar.

SPIEGEL: Nëse do të ishit MEK do preferonit të largoheshit?

Rama: E kuptojmë inatin kundër regjimit në vendin e tyre. Por vendi ynë të përdoret si llogore në një luftë që nuk është e jona, nuk funksionon! Sigurisht që ata kanë çdo të drejtë të luftojnë për lirinë e tyre, por për ta bërë këtë duhet të largohen nga Shqipëria.

The post Rama për “Der Spiegel”: MEK janë të mirëpritur në Shqipëri, por me një kusht appeared first on Newsbomb Albania.