Stresi: Nuk guxon njeriu të publikojë foto me një shoqe, direkt ta bëjnë dashnore apo prostitutë

Reperi Arkimed Lushaj – Stresi ka reaguar me tone të ashpra në rrjete sociale ditën e sotme, pas komenteve të shumta që mori për një postim të tij të fundit në Instagram.

Ditën e djeshme, ai ndau me ndjekësit e tij në Instagram një video ku shfaqej me një vajzë, dhe kjo video shkaktoi spekulime të shumta mes ndjekësve të tij, të cilët aluduan se vajza në fjalë është e dashura e tij.

Këto komente dhe spekulime kanë bërë që Stresi të reagojë publikisht, duke shprehur indinjatën e tij për interpretimet e bëra rreth videos. Ai u shpreh: “Nuk guxon robi me postu video me një shoqe…”.

Me këtë deklaratë, reperi synoi të qartësojë se vajza në video është thjesht një shoqe dhe se postimi nuk kishte për qëllim të sugjerojë ndonjë lidhje romantike mes tyre.

Reagimi i Stresit tregon njëherazi frustrimin e tij me ndjekësit dhe ndoshta edhe presionin që figura publike si ai përjeton nga përballja me interpretime dhe spekulime të pabaza nga ana e publikut. /Telegrafi/