Takimi Kurti- Abdixhiku, nuk ka dakordësi për presidentin

Nuk ka një dakordësi mes Albin Kurtit dhe Lumir Abdixhikut pas takimit të kësaj të hëne në Prishtinë, në përpjekje për arritjen e një marrëveshjeje për zgjedhjen e presidentit të vendit.

Ka qenë Kryetari i Lidhjes Demokratike të Kosovës, Lumir Abdixhiku, i cili pas takimit u shpreh për mediat se çështja e presidentit konsiderohet e mbyllur nga ana e partisë së tij.

“Vetëvendosje e konsideron që presidenti të jetë i tyre. LDK e konsideron këtë çështje të mbyllur. Kemi bërë mjaft, s’mund të bëjmë më tepër”, u shpreh Abdixhiku.

Kujtojmë se afati kushtetues për zgjedhjen e presidentit skadon më 28 prill dhe nëse nuk arrihet zgjedhja e presidentit brenda afatit të përcaktuar, vendi mund të shkojë në zgjedhje të reja parlamentare. Për momentin, detyrën e presidentit e ushtron kryetarja e Kuvendit, Albulena Haxhiu, pas përfundimit të mandatit të Vjosa Osmanit në fillim të prillit.

 

 

Burimi i lajmit:opinion.al
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.