Trump: Sulmet amerikano-izraelite vranë kandidatët për pasardhës të Khamenei

Presidenti amerikan Donald Trump deklaroi se në sulmet e përbashkëta amerikano-izraelite që ndodhën të shtunën, u vranë potencialë pasardhës të liderit suprem të Iranit. Komentet e tij, dhënë për ABC News, vijnë në një kohë pasigurie rreth tranzicionit të pushtetit në Iran pas vdekjes së ajatollahut Ali Khamenei.

Në një bisedë me gazetarinin Jonathan Karl, Trump pretendoi se sulmi ishte jashtëzakonisht i suksesshëm.

“Sulmi ishte aq i suksesshëm sa eliminoi shumicën e kandidatëve. Nuk do të jetë askush nga ata për të cilët mendonim, sepse të gjithë janë të vrarë. I dyti dhe i treti në listë janë të vrarë,” tha ai.

Trump gjithashtu u referua në atentatin ndaj Khamenei-t.

“Unë e rregullova para se ai të përpiqej të më likuidonte mua. Ata përpoqën dy herë. Pra, unë e rregullova i pari,” deklaroi ai.

Për t’u rikujtuar, në vitin 2024, Departamenti i Drejtësisë i SHBA-së shpalli akuza federale lidhur me një komplot të parandaluar për vrasjen e Trump para zgjedhjeve presidenciale. Sipas dokumenteve të gjykatës, autoritetet iraniane i kërkuan një të dyshuari, Farhad Shakeri, që të merrte përsipër të mbikëqyrte dhe eventualisht të ekzekutonte atentatin ndaj Trump.

The post Trump: Sulmet amerikano-izraelite vranë kandidatët për pasardhës të Khamenei appeared first on InfoShqip.com.