Zhvillimet në Hagë, Çitaku falënderon partitë për shtyrjen e seancës së Kuvendit

Nënkryetarja e Partisë Demokratike të Kosovës (PDK), Vlora Çitaku, ka falënderuar gjitha partitë politike që ishin dakord me kërkesën e saj që të shtyhet ora e seancës konstituive e Kuvendit të Kosovës.

Kjo pasi gjatë ditës mbrojtja e ish-krerëve të UÇK-së do ta ketë fjalën përfundimtare.

Çitaku ka thënë se në çaste të tilla Kosova di të jetë bashkë.

“Falënderoj përfaqësuesit e të gjitha partive politike që sot në mbledhjen përgatitore për seancën konstituive të Kuvendit me konsensus të plotë vendosëm që seanca të mbahet në ora 17:00. Ky ishte një vendim i ndërgjegjshëm dhe njerëzor në respekt të një momenti historik sepse nesër në Hagë dëgjohet fjala përfundimtare e mbrojtjes. Në çaste të tilla Kosova di të jetë bashkë. UÇK na bashkon”, ka shkruar ajo në Facebook.