13-vjetori i vdekjes së Nekibe Kelmendit, në selinë e LDK’së shpaloset pllaka dhe portreti përkujtimor i saj
Brenda hapësirave të Selisë Qendrore në LDK sot është shpalosur pllaka dhe portreti përkujtimor i Nekibe Kelmendit, në 13 vjetorin e vdekjes së saj. Në këtë ceremoni ka qenë e pranishme edhe vajza e saj, Kosovarja. Këtë e ka bërë të ditur kreu i LDK’së, Lumir Abixhiku, i cili ka thënë se Kelmendi ishte një emblemë identifikuese […]
![13-vjetori i vdekjes së Nekibe Kelmendit, në selinë e LDK’së shpaloset pllaka dhe portreti përkujtimor i saj](https://orainfo.net/wp-content/uploads/2024/06/655269-13-vjetori-i-vdekjes-se-nekibe-kelmendit-ne-seline-e-ldkse-shpaloset-pllaka-dhe-portreti-perkujtimor-i-saj.jpg)
Brenda hapësirave të Selisë Qendrore në LDK sot është shpalosur pllaka dhe portreti përkujtimor i Nekibe Kelmendit, në 13 vjetorin e vdekjes së saj. Në këtë ceremoni ka qenë e pranishme edhe vajza e saj, Kosovarja.
Këtë e ka bërë të ditur kreu i LDK’së, Lumir Abixhiku, i cili ka thënë se Kelmendi ishte një emblemë identifikuese e një gruaje, e një nënë të pamposhtur që përkundër sfidave e dhimbjeve fë rënda nuk u gjunjëzua asnjëherë.
“Portreti i saj, i vendosur tashmë përballë Enver Malokut, e në varg me të tjerë që do të pasojnë, do të shërbejnë si rikujtim i fuqishëm për secilin që kapërcen nëpër koridorin hyrës të kësaj shtëpie të demokracisë. Se vepra e madhe e lëvizjes kombëtare për liri, pavarësi e demokraci, është bartur nga njerëz të mëdhenj me ëndrra e përkushtime të mëdha!”, ka shkruar Abdixhiku.
“Gjurmët, sakrifica dhe puna e Nekibe Kelmendit tashmë janë një udhërrëfyes për të gjithë ne që të ecim përpara”.
Më 19 qershor të vitit 2011, u nda nga jeta ministrja e parë e Drejtësisë në Kosovën e pasluftës, Nekibe Kelmendi.
Gjyqtarja dhe avokatja, ishte bashkëthemeluese e Lidhjes Demokratike të Kosovës, krah ish-presidentit të Kosovës, Ibrahim Rugova.