Akordi shumë pranë, Milan huazon një tjetër yll nga Premier League

Nuk mbaron me Fullkrug, Milan huazon një tjetër futbollist nga Premier League.

Igli Tare duket se ka gjetur qendërmbrojtësin e ri të Milanit në Angli.

Bëhet fjalë për një njohjë të vjetër të Serie A, por që aktualisht është pjesë e Premier League dhe luan për Brighton.

Diego Coppola pritet të jetë qendërmbrojtësi më i ri i Milanit, transferimi i tij brenda merkatos së janarit është një nga prioritetet kryesore të drejtorit sportiv të kuqezinjve.

Coppola u transferua gjatë verës nga Verona te Brighton për 11 milionë euro, por nuk ka arritur të ambientohet në Angli dhe Milan synon rikthimin e tij në Serie A në formë huazimi.

Italiani ka luajtur vetëm 542 minuta me Brighton këtë sezon dhe sipas raportimeve të fundit Rosonerët janë shumë pranë akordit për huazimin e tij.