Xhaka barazon rekordin e Shaqirit dhe Behramit në Botërorin e ardhshëm

May 21, 2026 - 05:00
Xhaka barazon rekordin e Shaqirit dhe Behramit në Botërorin e ardhshëm

Xhaka barazon rekordin e Shaqirit dhe Behramit në Botërorin e ardhshëm

Përzgjedhësi i Zvicrës, Murat Yakin, ka publikuar listën e lojtarëve për Kupën e Botës që do të zhvillohet në SHBA, Kanada dhe Meksikë. Në përbërjen e skuadrës bie në sy përvoja e madhe e futbollistëve të thirrur, transmeton albinfo.ch.

Plot 18 lojtarë nga lista e përzgjedhur kanë marrë pjesë më parë me Zvicrën në Kampionate Botërore. Kjo tregon se Yakin ka vendosur të udhëtojë me një ekip të dëshmuar dhe me eksperiencë në skenën më të madhe të futbollit.

Kapiteni i Zvicrës do të jetë Granit Xhaka, i cili do ta udhëheqë ekipin në Botërorin që nis më 11 qershor. Për Xhakën, ky do të jetë Botërori i katërt në karrierë, duke barazuar kështu rekordin që deri më tani e mbanin vetëm Xherdan Shaqiri dhe Valon Behrami.

Shaqiri dhe Behrami janë lojtarët e vetëm që kanë përfaqësuar Zvicrën në katër Botërorë, ndërsa tash kësaj liste do t’i bashkohet edhe Xhaka. Po ashtu, rekordin do ta barazojë edhe Ricardo Rodriguez.

Në listën e Zvicrës është përfshirë edhe mesfushori Ardon Jashari, pavarësisht se nuk ka pasur paraqitje të spikatura te Milani.

Ndërkohë, Xhaka vjen në këtë Botëror në formë të lartë, pasi ka pasur një sezon shumë të suksesshëm, duke udhëhequr si kapiten skuadrën e Sunderlandit në Premier League, ku ka shkëlqyer gjatë gjithë edicionit.

Me pak fjalë

Granit Xhaka do të jetë kapiteni i Zvicrës në Botërorin 2026, duke barazuar rekordin e Xherdan Shaqirit dhe Valon Behramit, të cilët kanë përfaqësuar Zvicrën në katër edicione të Kupës së Botës. Ekipi i Zvicrës do të nisë garën më 11 qershor në SHBA, Kanada dhe Meksikë.

Personat e përmendur


Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.