Arian Tahiri: Lumi “Trepça” do të transformohet në zonë rekreative për qytetarët

Kandidati për kryetar të Mitrovicës, Arian Tahiri, ka prezantuar projektin për rregullimin dhe rehabilitimin e lumit “Trepça”, me qëllim krijimin e një hapësire më tërheqëse dhe funksionale për qytetarët.

Projekti përfshin rehabilitimin e shtratit dhe brigjeve të lumit deri te “Tuneli i Parë”, duke ofruar shtigje për ecje dhe çiklizëm, hapësira rekreative, si dhe zgjidhje të qëndrueshme për mbrojtjen e mjedisit.

“Lumi ‘Trepça’ do të marrë pamje krejtësisht të re”, tha Tahiri.