Bahtiri: Jemi duke bërë përpjekje maksimale që nesër të kemi Presidentin e zgjedhur
Deputeti i Lëvizjes Vetëvendosje, Agim Bahtiri ka thënë se janë duke bërë përpjekje maksimale që të arrihet një marrëveshje për zgjedhjen e presidentit të vendit.
Ai në një postim në Facebook ka thënë se shkuarja në zgjedhje do të krijonte ngërç politik duke u bërë thirrje deputetëve që të bëhen bashkëpunues.
“Jemi duke bërë përpjekjet maksimale dhe te fundit, që nesër të kemi Presidentin e zgjedhur. Kosovës i duhet ZGJIDHJE e jo ZGJEDHJE, sepse zgjedhjet krijojnë vetëm ngërç politik, të cilat e çojnë Kosovën në një cikël të pamundshëm të zgjedhjeve, ku rrjedhimisht Kosova humb dhjetëra miliona euro, të cilat janë djersë e qytetarëve tanë. E gjitha kjo pa asnjë arsye.
Prandaj, edhe njëherë, APELOJ tek kolegët deputet, që t’i thërrasin mendjes dhe të bëhen bashkëpunues për zhbllokim e jo shkaktar për bllokada të pafundme”, ka shkruar ai.
------------------------------ Burimi i lajmit: ina-online.net Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today. Portali nuk mban përgjegjësi për përmbajtjen origjinale të publikuar nga burimi. Për ankesa ose kërkesa për heqje materiali, na kontaktoni në Facebook: KosovaToday. Faleminderit për mirëkuptimin.
