Dështon mbledhja e Kryesisë së Kuvendit

Për shkak të mungesës së kuorumit, mbledhja e Kryesisë së Kuvendit të Kosovës, e thirrur për të hënën nga kryetari i Kuvendit, Dimal Basha, nuk u mbajt.

Përveç Bashës, të pranishëm në mbledhje ishin dy nënkryetare: Albulena Haxhiu nga Lëvizja Vetëvendosje dhe Emilja Rexhepi nga partitë joserbe, por munguan ata të Partisë Demokratike të Kosovës dhe Lidhjes Demokratike të Kosovës, transmeton albinfo.ch.

Me rregulloren e Punës së Kuvendit, mbledhja zhvillohet kur janë të pranishëm shumica e anëtarëve të Kryesisë. Nënkryetari i pestë nga komuniteti serb nuk është zgjedhur.

The post Dështon mbledhja e Kryesisë së Kuvendit appeared first on Albinfo.