E pazakontë/ Një nga botimet e Harry Potter shitet për vlerën marramendëse

Një nga 500 kopjet e para të librit nga Harry Potter and the Philosopher’s Stone i Rowling, i botuar në vitin 1997, u shit për 45,000 £ në Edinburg, ku ishte shkruar pjesa më e madhe e librit.

Romani, i cili parashikohej të kapte midis 40,000 dhe 60,000 £, përfundoi duke u shitur për 45,201 £ në shtëpinë e ankandit Lyon & Turnbull pavarësisht gabimeve në kopertinën e pasme dhe në faqen 53.

Kopja u ble nga pronari i mëparshëm njëzet vjet më parë në Londër, dhe ankandët e përshkruajnë atë si një “shembull të shkëlqyer të punës”. Në fillim u shtypën vetëm një numër i vogël kopjesh, sepse botuesit nuk ishin të sigurt nëse libri do të ishte popullor.

Saga Harry Potter, e cila përfshin shtatë libra të përshtatur më vonë në filma, është bërë një nga më të dashurat në botë.

The post E pazakontë/ Një nga botimet e Harry Potter shitet për vlerën marramendëse appeared first on AfterParty.