Fëmijët u vendosin gjobë policëve në Thurgau, reagimi i tyre bëhet hit në Facebook

Një grup fëmijësh nga Donzhausen, në kantonin Thurgau, kanë gjetur një mënyrë mjaft kreative për t’u “gjobitur” policët, transmeton albinfo.ch.

Fëmijët i dorëzuan Policisë Kantonale të Thurgaut një fletë-gjobë me vlerë 4 franga, duke i befasuar policët me këtë aksion të pazakontë dhe plot humor.

Në vend që ta injoronin “gjobën”, policët vendosën ta merrnin me sportivitet. Ata e paguan shumën prej 4 frangash dhe më pas e ndanë historinë me ndjekësit e tyre në Facebook.

Rreth 1800 pëlqime

Aksioni i fëmijëve duket se ka argëtuar edhe përdoruesit e rrjeteve sociale. Postimi i policisë mori rreth 1800 pëlqime, ndërsa u shoqërua me shumë komente pozitive.

Gjestit të fëmijëve iu dha vlerësim i madh për kreativitetin dhe mënyrën e veçantë se si ata ndërvepruan me policinë.

Një “gjobë” prej vetëm 4 frangash, kështu, u shndërrua në një histori që solli të qeshura dhe simpati në rrjetet sociale. /Albinfo.ch

The post Fëmijët u vendosin gjobë policëve në Thurgau, reagimi i tyre bëhet hit në Facebook appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.