Fluturimet nga Aeroporti i Cyrihut kushtojnë më shtrenjtë për shkak të mungesës së konkurrencës
Pasagjerët që udhëtojnë nga Aeroporti i Cyrihut shpesh paguajnë çmime dukshëm më të larta për biletat e avionit, për shkak të dominimit të Grupit Lufthansa në shumë linja ajrore, transmeton albinfo.ch.
Sipas një analize të publikuar nga Handelszeitung, fluturimet në linjat ku Lufthansa dhe kompanitë e saj operojnë pa konkurrencë janë, mesatarisht, 31 për qind më të shtrenjta sesa ato ku është e pranishme edhe një kompani tjetër ajrore.
Shembulli më i theksuar është linja Vjenë–Cyrih, e cila operohet vetëm nga Austrian Airlines, pjesë e Grupit Lufthansa. Një biletë në klasën ekonomike mund të kushtojë deri në 945 franga zvicerane, më shumë se dyfishi i çmimit të një fluturimi rreth 10-orësh drejt Bangkokut.
Në të kundërt, linja Cyrih–Romë, ku SWISS përballet me konkurrencën e ITA Airways dhe EasyJet, ofron çmime dukshëm më të ulëta.
Në total, Grupi Lufthansa operon 90 linja pa konkurrencë drejt ose nga Zvicra. Në Aeroportin e Cyrihut ai kontrollon rreth 63 për qind të fluturimeve, ndërsa në Gjenevë kjo përqindje është vetëm 13 për qind, falë konkurrencës më të fortë nga EasyJet. /Albinfo.ch
The post Fluturimet nga Aeroporti i Cyrihut kushtojnë më shtrenjtë për shkak të mungesës së konkurrencës appeared first on Albinfo.
Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.
