Fluturimet shtrenjtohen këtë verë: udhëtimet nga Zvicra pritet të kushtojnë më shumë

Sipas raportimit të The Local Switzerland, linjat ajrore si SWISS dhe Edelweiss kanë filluar tashmë të rrisin tarifat shtesë të karburantit, duke e reflektuar drejtpërdrejt në çmimin final të biletave, transmeton albinfo.ch.

Arsyeja kryesore lidhet me rritjen e çmimeve të naftës dhe karburantit për avionë, e nxitur nga tensionet dhe lufta në Lindjen e Mesme. Si pasojë, kompanitë ajrore po i transferojnë këto kosto tek pasagjerët.

Sa më shumë do të paguajnë udhëtarët?

Çmimet e biletave janë aktualisht deri në 77% më të larta krahasuar me pesë vite më parë

Rritja ndryshon sipas destinacionit dhe linjës ajrore

Ekspertët paralajmërojnë se rritja e plotë ende nuk është reflektuar, dhe çmimet mund të vazhdojnë të rriten në muajt në vijim.

Sipas analizave, ndikimi i rritjes së çmimeve të karburantit shpesh shfaqet me vonesë në treg, çka do të thotë se vera 2026 mund të jetë edhe më e shtrenjtë se sa duket aktualisht.

Përveç çmimeve më të larta, priten edhe pasoja të tjera:

më pak destinacione fluturimi

reduktim i frekuencave në disa linja

mundësi për anulime të fluturimeve

Këto masa janë pjesë e strategjisë së kompanive për të kursyer kosto dhe për t’u përshtatur me situatën e re në tregun global të aviacionit.

Në përfundim, kush planifikon pushime jashtë vendit këtë verë nga Zvicra duhet të përgatitet për bileta më të shtrenjta dhe më pak fleksibilitet në udhëtime, ndërsa ekspertët sugjerojnë rezervime sa më të hershme për të shmangur çmimet edhe më të larta.

The post Fluturimet shtrenjtohen këtë verë: udhëtimet nga Zvicra pritet të kushtojnë më shumë appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.