“Forza Milan!”, transferi më i ri i Milanit arrin në San Siro

Samuele Ricci është zyrtarisht një lojtar i AC Milan! Pas përfundimit të formaliteteve dhe nënshkrimit të një kontrate katërvjeçare, mesfushori italian ka lënë pas Torino-n dhe ka nënshkruar një marrëveshje që e sjell në “San Siro” për 25 milionë euro.

Ditën e sotme, Ricci kaloi me sukses testet mjekësore dhe, pas nënshkrimit të kontratës, u kap nga gazetarët te Casa Milan, ku shprehu gëzimin e tij për kalimin në Milan. Ai u shpreh për MilanNews: “Jam shumë i lumtur. Përshëndetje të gjithëve. Forza Milan!”

Marrëveshja është një investim i konsiderueshëm për klubin, duke e vendosur Ricci-n si një nga lojtaret kyç në planet e Milanit për të ardhmen. 25-vjeçari pritet të sjellë forcë dhe kreativitet në mesfushën e Milanit, një rol që ka pasur gjithmonë nevojë për përforcime të rinj dhe të talentuar, transmeton ORAinfo.

Ricci, i cili ka bërë emër me performancat e tij në Torino, tani ka mundësinë të zhvillohet edhe më shumë në një klub të nivelit të lartë si Milan. E ardhmja e tij me “Rossonerët” është me shumë mundësi premtuese, dhe tifozët presin me padurim ta shohin të luajë në fushën e “San Siro”.

Në një kohë kur AC Milan po përpiqet të kthehet në majat e futbollit europian, Ricci mund të jetë një nga lojtarët që do të luajë një rol të rëndësishëm në rikthimin e klubit në elitë.

Të gjithë sytë tani janë te ky mesfushor, i cili ka një mundësi të shkëlqyer për t’u bërë një emër i rëndësishëm në histori të Milanit. /ORAinfo/