Fronti Izrael-Palestinë/ Ministria e Shëndetësisë: Mbi 60.000 palestinezë në Gaza janë vrarë që nga tetori

Më shumë se 60,000 palestinezë janë vrarë në Gaza që nga sulmi i 7 tetorit, sipas Ministrisë së Shëndetësisë së drejtuar nga Hamas.

Sulmi izraelit u lançua si hakmarrje për sulmin e Hamasit dhe grupeve të tjera militante, të cilat vranë rreth 1,200 persona dhe morën rreth 250 të tjerë si pengje.

Në 24 orët e fundit, 113 persona janë vrarë dhe 637 janë plagosur, sipas Ministrisë së Shëndetësisë së Hamasit, duke e çuar numrin e palestinezëve të vrarë që nga tetori 2023 në 60,034. Po ashtu, është raportuar se nga këto 113 viktima, 22 janë lidhur me pikë ndihme.

Numri i të vdekurve nuk bën dallim midis ushtareve dhe civilëve.

Ministria shtoi: “Disa viktima ende ndodhen nën rrënoja dhe nëpër rrugë, pasi ekipet e ambulancës dhe mbrojtjes civile nuk mund të arrijnë në ta për momentin.”