Gërvalla nga Luksemburgu thekson nevojën e integrimit të Ballkanit në BE si përgjigje ndaj agresionit rus
Zëvendëskryeministrja dhe Ministrja e Punëve të Jashtme dhe Diasporës, Donika Gërvalla, në Luksemburg, ka marrë pjesë në takimin e rregullt të Ministrave të Jashtëm të Bashkimit Evropian. Në fjalën e saj Gërvalla, tha se përgjigja më e mirë ndaj agresionit rus është integrimi i shteteve pro evropiane në Bashkimin e Evropian (BE). “Erdhëm sot në […]
![Gërvalla nga Luksemburgu thekson nevojën e integrimit të Ballkanit në BE si përgjigje ndaj agresionit rus](https://orainfo.net/wp-content/uploads/2024/06/656434-gervalla-nga-luksemburgu-thekson-nevojen-e-integrimit-te-ballkanit-ne-be-si-pergjigje-ndaj-agresionit-rus.jpg)
Zëvendëskryeministrja dhe Ministrja e Punëve të Jashtme dhe Diasporës, Donika Gërvalla, në Luksemburg, ka marrë pjesë në takimin e rregullt të Ministrave të Jashtëm të Bashkimit Evropian.
Në fjalën e saj Gërvalla, tha se përgjigja më e mirë ndaj agresionit rus është integrimi i shteteve pro evropiane në Bashkimin e Evropian (BE).
“Erdhëm sot në Luksemburg për të diskutuar integrimin e mëtejmë Ballkanit Perëndimor në Bashkimin Evropian, dhe jo vetëm të Ballkanit Perëndimor. Besoj se kjo është tema kryesore. Duke e parë integrimin e gjithë Evropës, atyre shteteve që qëndrojnë pranë vlerave evropiane, mbështesin principet evropiane dhe nuk janë vetëm çështje politike, por janë për rritjen e sigurisë në Evropë në kohën kur po ballafaqohemi me agresionin rus në Ukrainë, dhe kur një Bashkim Evropian më i fuqishëm është një përgjigje më e mirë për t’iu përgjigjur sfidave të sotme dhe atyre të së ardhmes”, tha ajo.
Gjatë kësaj vizite zyrtare në Luksemburg, Ministrja Gërvalla, do të marrë pjesë në shënim e Ditës Kombëtare të Luksemburgut, me ftesë të Dukës së Madh.