Greva për rritjen e pagave paralizon aeroportet në Gjermani/ Anulohen mbi 106 fluturime

Greva paralajmëruese 24-orëshe ka bllokuar aeroportet ndërkombëtare të Këlnit dhe Duseldorfit në shtetin gjerman të Rhine-Ëestfalisë. Kjo ka shkaktuar anulimin e fluturimeve dhe vonesa të mundshme për pasagjerët që kishin planifikuar të udhëtonin nga këto aeroporte.

Në Aeroportin Këln-Bon, greva ka filluar të dielën në mbrëmje, duke shkaktuar anulimin e 106 fluturimeve nga gjithsej 168 të planifikuara. Pjesa tjetër e fluturimeve mund të hasë vonesa ose devijime. Aeroporti ka kërkuar që pasagjerët të kontrollojnë statusin e fluturimeve të tyre me kompanitë ajrore ose operatorët turistikë përpara udhëtimit.

Në Aeroportin e Duseldorfit, greva ka filluar mëngjesin e sotëm në orën 3:00 dhe është njoftuar se një e treta e 334 fluturimeve do të anulohet. Po ashtu, pasagjerët janë këshilluar të kontrollojnë fluturimet e tyre para se të nisen për në aeroport.

Sindikata “Verdi”, që ka shpallur grevën, ka kërkuar një rritje prej 8% të pagave për punëtorët e sektorit publik, që përkthehet në një shtesë prej të paktën 350 euro në muaj, si dhe shpërblime më të larta për punë më stresuese dhe tri ditë pushime shtesë. Greva ka përfshirë rreth 400 punonjës që punojnë në administratë, check-in, mirëmbajtje avionësh, transport pasagjerësh dhe ekuipazhi, si dhe trajtim bagazhesh.