Korçë, studentët vijojnë bojkotin e auditorëve, në mbështetje edhe pedagogë

Studentët e Universitetit “Fan S. Noli” në Korçë kanë bojkotuar edhe ditën e sotme auditorët, në vijim të protestave të nisura ditët e fundit. Në mbështetje të tyre janë rreshtuar edhe një pjesë e pedagogëve të këtij universiteti.

Ndryshe nga një ditë më parë, kur pas bojkotit studentët vijuan protestën në bulevardet e qytetit, sot ata nuk kanë zhvilluar marshim në rrugët e Korçës.

Burime të siguruara bëjnë me dije se gjatë pasdites pritet të mblidhet sërish Këshilli Studentor, për të diskutuar dhe vendosur mbi hapat e mëtejshëm të lëvizjes studentore.

The post Korçë, studentët vijojnë bojkotin e auditorëve, në mbështetje edhe pedagogë appeared first on Euronews Albania.

Burimi i lajmit: euronews.al
Shënim: Ky material është përpunuar për qëllime informimi nga Portali Kosova.Today.