Kriza e banesave në Zvicër do të vazhdojë, por pritet përmirësim nga viti i ardhshëm

Mungesa e banesave në Zvicër pritet të vazhdojë edhe në muajt e ardhshëm, sipas një analize të publikuar nga kompania e konsulencës imobiliare Wüest Partner, përcjell albinfo.ch.

Ekspertët vlerësojnë se numri i banesave të lira do të arrijë nivelin më të ulët këtë verë, duke konfirmuar se tregu i banesave mbetet nën presion.

Megjithatë, raporti sjell edhe një lajm pozitiv për ata që janë në kërkim të një banese me qira.

Sipas Wüest Partner, nga viti i ardhshëm situata mund të nisë të përmirësohet gradualisht në disa rajone të Zvicrës, falë rritjes së ofertës së banesave dhe zhvillimeve të reja në sektorin e ndërtimit.

Edhe pse kriza nuk pritet të zgjidhet menjëherë, ekspertët besojnë se tregu mund të fillojë të stabilizohet në disa pjesë të vendit, duke u dhënë më shumë mundësi personave që kërkojnë të marrin një banesë me qira. /Albinfo.ch

The post Kriza e banesave në Zvicër do të vazhdojë, por pritet përmirësim nga viti i ardhshëm appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.