Kryeqyteti shpreh ngushëllime pas aksidentit tragjik në Prishtinë: një punëtor vdes, tjetri lëndohet rëndë
Një punëtor vdes në aksident ndërtimor në Prishtinë
Kryeqyteti i Prishtinës ka shprehur pikëllimin e thellë pas aksidentit tragjik që ka ndodhur sot në një vendpunishte ndërtimore në rrugën “Holger Petersen”, ku një punëtor ka humbur jetën, ndërsa një tjetër ka mbetur i lënduar rëndë pas rrëzimit të një kranoje.
Sipas njoftimit zyrtar të Kryeqytetit, punëtori i lënduar është dërguar në Qendrën Klinike Universitare të Kosovës (QKUK), ku, sipas informatave nga ekipet mjekësore, ndodhet në gjendje të rëndë, por stabile.
Në emër të Kryeqytetit janë shprehur “ngushëllimet më të sinqerta” për familjen, kolegët dhe të afërmit e viktimës, ndërsa është uruar shërim i shpejtë për të lënduarin.
Pas marrjes së informatës për aksidentin, në vendin e ngjarjes kanë intervenuar ekipet emergjente, duke përfshirë Brigadën Profesionale të Zjarrfikësit dhe Shpëtimit të Kryeqytetit, Policinë e Kryeqytetit, Njësinë për Reagim të Shpejtë dhe Siguri, ekipet e Urgjencës Mjekësore dhe Drejtorinë për Siguri dhe Emergjenca.
Sipas Kryeqytetit, ekipet kanë vepruar me profesionalizëm dhe koordinim të plotë, duke bërë përpjekje për shpëtimin e jetëve dhe sigurimin e zonës së aksidentit.
Ndërkohë, për shkaqet dhe rrethanat e aksidentit kanë nisur hetimet. Sipas Policisë së Kosovës, njësitet relevante policore, në koordinim me Prokurorin e Shtetit, janë duke punuar për zbardhjen e plotë të rastit.
Kryeqyteti ka bërë thirrje për respektimin e rreptë të standardeve të sigurisë dhe mbrojtjes në punë në vendpunishtet ndërtimore, me qëllim parandalimin e rasteve të ngjashme tragjike.
Me pak fjalë
Një aksident tragjik në një vendpunishte ndërtimore në Prishtinë ka rezultuar në vdekjen e një punëtori dhe lëndimin e rëndë të një tjetri. Autoritetet kanë intervenuar me profesionalizëm, ndërsa hetimet janë duke u zhvilluar për të zbardhur rrethanat e ngjarjes.
Personat e përmendur
Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.
