Ledina Çelo risjell kujtimet: Foto e vitit 2005 me Hueyda El Sayed prek zemrat e ndjekësve

Një foto e postuar së fundmi nga Ledina Çelo ka bërë nostalgjikë shumë ndjekës në rrjetet sociale. Imazhi i vitit 2005 sjell bashkë disa figura të dashura të asaj kohe, mes tyre edhe të paharruarën Hueyda El Sayed, e cila me buzëqeshjen e saj mbetet një ikonë e gëzimit dhe pozitivitetit.

Vitet 2000 kishin një stil të veçantë, që sot është kthyer sërish në trend: xhinset e grisura me bel të ulët, rripat e gjatë, crop top-et dhe setet “total denim look”. Në foto, vajzat rrezatojnë energjinë e asaj dekade, kur moda ishte e guximshme dhe e lirshme, ndërsa muzika dhe spektakli shqiptar po përjetonin një bum të ri.

Hueyda, që la pas një trashëgimi të fortë jo vetëm si prezantuese dhe artiste, por edhe si njeri i shpirtit të bukur, në këtë foto duket plot jetë. Ky kujtim i ndarë nga Ledina ka prekur zemrat e fansave, të cilët kanë mbushur rrjetet me komente mallëngjyese, duke e quajtur Hueydën “një yll që nuk shuhet kurrë”.

Në foto dallohet edhe ish Miss Albania Monika Zguro që aktualisht ndjek karrierën në diplomaci.
Kjo foto është më shumë se një kujtim personal është një dritare nostalgjie drejt një periudhe kur publiku shqiptar jetonte fort me emocionet e skenës, këngës dhe figurave që do mbeten përgjithmonë në memorien kolektive.