Ledri Vula i puth dorën Xhensilës dhe shpreh mirënjohje për Dua Lipën: “Faleminderit që je shqiptare”

Reperi i njohur kosovar, Ledri Vula, ka ndarë së fundmi në rrjetet sociale një foto të veçantë me këngëtaren me famë botërore, Dua Lipa, të shoqëruar me një koment që ka prekur ndjekësit:
“Faleminderit që je shqiptare.”

Dy artistët janë takuar në kuadër të festivalit të organizuar nga vetë Dua Lipa, ku Ledri ishte një nga të ftuarit special në skenë. Performanca e tij energjike u prit me entuziazëm nga publiku, duke e kthyer mbrëmjen në një festë të vërtetë shqiptare.

Një tjetër moment që ka marrë vëmendje në rrjet, ka qenë hyrja e Ledrit në skenë, ku ai u pa duke i puthur dorën koleges së tij, këngëtares Xhensila Myrtezaj, e cila ndodhej pranë për ta mbështetur. Ky gjest romantik i reperit është komentuar gjerësisht nga fansat, të cilët e cilësuan një moment të ëmbël dhe respektues.

Takimi i Ledri Vulës me Dua Lipën dhe postimi i tij falënderues kanë ngjallur reagime pozitive, duke treguar edhe njëherë krenarinë që artistët shqiptarë ndjejnë për arritjet ndërkombëtare të njëri-tjetrit.