Me lot në sy – Donnarumma i thotë lamtumirë tifozëve të PSG-së
Gianluigi Donnarumma u pa duke u përshëndetur me tifozët e Paris Saint-Germain pas fitores të ngushtë 1-0 ndaj Angers në Parc des Princes të premten mbrëma. 26-vjeçari pritet të largohet nga gjigantët francezë këtë verë, pasi bisedimet me klubin për një kontratë të re dështuan dhe atij i është thënë të gjejë një klub të […]
Gianluigi Donnarumma u pa duke u përshëndetur me tifozët e Paris Saint-Germain pas fitores të ngushtë 1-0 ndaj Angers në Parc des Princes të premten mbrëma.
26-vjeçari pritet të largohet nga gjigantët francezë këtë verë, pasi bisedimet me klubin për një kontratë të re dështuan dhe atij i është thënë të gjejë një klub të ri.
Italiani la vetëm një kujtim të bukur në Paris, pasi të premten mbrëma, mes emocioneve, u përshëndet me tifozët e kampionit të Evropës.
Grazie mille @donnarumma
— Ligue 1 McDonald's (@Ligue1) August 22, 2025
Disa raportime sugjerojnë se Manchester City është në bisedime me PSG-në për të nënshkruar Donnarumman, pavarësisht se klubi tashmë ka afruar James Traffordin.
PSG kuptohet se po kërkon një tarifë prej 40-50 milionë eurosh për portierin e kombëtares italiane, një shumë që City ngurron ta paguajë.
Donnarumma, i cili luajti një rol kyç në triumfin e PSG-së në Ligën e Kampionëve sezonin e kaluar, mori një duartrokitje të madhe nga tifozët ndërsa i përshëndeste gjatë lamtumirës.
