Mijëra njerëz mblidhen në Festivalin e “Dritave të Fenerëve” në Pensilvani

Mijëra njerëz u mblodhën në pistën ‘Pocono Raceway’ në Pensilvani për Festivalin e Dritave të Fenerëve, duke lëshuar fenerë në qiellin e natës në një spektakël plot ngjyra.

Në këtë festival, çdo pjesëmarrës lejohet të personalizojë fenerët e tij me mesazhe, vizatime ose dedikime, ku shumë prej tyre e shfrytëzojnë momentin për të festuar arritje, për të nderuar të dashurit ose për të shënuar fillime të reja.

Ngjarja gjithashtu përfshin kamionë ushqimi, muzikë të gjallë dhe shfaqje, duke krijuar një përvojë të përqendruar tek komuniteti, e cila është mbajtur në mbi 10 qytete të SHBA-së që nga fillimi i saj.

Ky aktivitet është pjesë e serisë së festivaleve ‘Dritat e Natës’ (Night Lights), i cili filloi në vitin 2018 dhe është frymëzuar nga Festivali Tradicional i Fenerëve në Chiang Mai të Tajlandës.

Organizatorët thonë se festivali është më shumë sesa thjesht lëshimi i fenerëve, është i menduar për të lidhur komunitetet, për të nxitur reflektimin dhe për të simbolizuar lënien pas të shqetësimeve.