Milan po shkund Serie A me një transferim befasues

Raportet e së dielës pretendojnë se Milani është përcaktuar për mbrojtësin e djathtë të Young Boys, Zachary Athekame, dhe se ‘Rossonerët’ presin të mbyllin marrëveshjen me klubin zviceran në një të ardhme të afërt.

Milani, i cili e ka kthyer Kyle Walker te Manchester City pas huazimit dhe ndërkohë ka shitur Emerson Royal te Flamengo, është në kërkim të një mbrojtësi të djathtë të ri për të konkurruar me Alex Jimenez.

Rossonerët fillimisht kishin eksploruar një marrëveshje për Guela Doue të Strasbourg, vëllain më të madh të yllit të PSG, Desire Doue, por raportimet thonë se ata janë tërhequr për shkak të çmimit prej 30 milionë eurosh të kërkuar për francezin.

Kjo ka bërë që Igli Tare dhe ekipi i rekrutimit të Milanit të eksplorojnë alternativa të tjera.

Sipas La Gazzetta dello Sport, kërkimi i tyre është përqendruar tek Athekame.

Gazeta italiane pretendon se Milani ka dorëzuar një ofertë prej shtatë milionë eurosh për mbrojtësin e djathtë 20-vjeçar ditën e shtunë.

Tutje siç shton raporti, klubi zviceran do të kërkojë një shumë pak më të lartë se shtatë milionë eurot e ofruara, por nuk ka një hendek të madh mes ofertës dhe kërkesës.