Nicholas Abbott për rastin e Klan Kosovës: Institucionet të mendojnë me kujdes për veprimet e radhës

Abbott për rastin e Klan Kosovës: Institucionet të mendojnë me kujdes për veprimet e radhës.

Ambasadori i Britanisë së Madhe në Kosovë, Nicholas Abbott, ka thënë se po e ndjek nga afër rastin e marrjes së licencës së biznesit për televizionin Klan Kosova nga Ministria e Tregtisë, shkruan Express.

Abbott ka thënë se është dijeni lidhur me shqetësimin e shoqërisë civile dhe ka ftuar që institucionet përkatëse të mendojnë me më shumë kujdes për çdo vendim të mëtejshëm.

Gjithashtu ai ka thënë se duhet pasur parasysh implikimet më të gjera të një vendimi të tillë për lirinë e mediave në Kosovë.