Para pensionimit – Ancelotti thotë se ka tri opsione

Trajneri i Brazilit, Carlo Ancelotti, ka mohuar zërat për një pensionim të menjëhershëm, duke theksuar se mbetet i hapur ndaj mundësive të ndryshme ndërsa nis aventurën e tij me Seleçaon.

I pyetur për të ardhmen pas Brazilit, tekniku 66-vjeçar italian u shpreh: “Kam tri zgjidhje: të qëndroj këtu, të kërkoj diçka interesante ose të ndalem”.

Ish-trajneri i Real Madrid dhe Milan nënvizoi se pensionimi nuk është në horizontin e afërt, pavarësisht intensitetit të punës së tij aktuale.

Në një ton më personal, ai tregoi edhe se çfarë i mungon më shumë nga Italia: “Çfarë më mungon janë tortelinat e motrës sime Angela”, shtoi ai me humor.

Edhe pse karriera e tij është e mbushur me momente të lavdishme, sidomos në Serie A dhe Real Madrid, Ancelotti zgjodhi të mos ndalej në të kaluarën, duke i kushtuar vëmendjen te sfidat e reja me Brazilin dhe ritmi gjithnjë e më i ngjeshur i futbollit modern.

Qasja e tij fleksibile – mes mundësisë për të vazhduar me kombëtaren, për të kërkuar një sfidë tjetër ose për t’u tërhequr përfundimisht – dëshmon për pasionin dhe përkushtimin e vazhdueshëm që e karakterizon gjatë gjithë karrierës së tij të shkëlqyer.