“Pasoja të mëdha” / Çka ndodh nëse qeveria nuk zgjidhet deri në tetor? – Flet Jakaj

Hulumtuesi në IKD, Naim Jakaj,  ka thënë se nëse Qeveria e re nuk zgjidhet deri me 31 tetor do të ketë pasoja të mëdha për vendin. 

Të enjten në “Gazeta”, Jakaj ka thënë se deri me 31 tetor qeveria ka të drejtë me e dërgu buxhetin për miratim në Kuvend dhe ne aktualisht nuk kemi një qeveri që e bënë këtë.

“Janë edhe dy muaj, më sakt 31 tetori kur Qeveria fuqiplotët do të duhej me e miratu buxhetin dhe më së largu deri me 31 tetor duhet me e dërgu në Kuvend në mënyrë që Kuvendi me e shqyrtu dhe me e miratu. Rrezikohen secili qytetarë, për shkak të mos ndarjeve buxhetore dhe mos planifikimit për projektet që kanë me ndodh në viti 2026”, ka thënë Jakaj. /Gazeta10