Policia me aksion në veri, bashkë me Doganën dhe ATK-në

Drejtoria Rajonale e Policisë Mitrovicë Veri informon opinionin publik se sot, me datën 22.10.2026, në disa lokacione në veri të vendit, Policia e Kosovës është duke zhvilluar një operacion policor në kuadër të luftimit të kontrabandës me mallra.

Operacioni është duke u zhvilluar në bashkëpunim me Doganën e Kosovës, Administratën Tatimore të Kosovës (ATK), si dhe institucionet e tjera relevante.

“Për detaje të tjera lidhur me operacionin, opinioni publik do të informohet me kohë gjatë ditës”, thuhet në Komunikatë.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.