Policia konfirmon vrasjen në Hajvali, i dyshuari në kërkim

Një person ka mbetur i vrarë pas një gjuajtje me armë zjarri në Hajvali të Prishtinës.

Lajmin e ka konfirmuar zëdhënësja e policisë për rajonin e Prishtinës, Flora Ahmeti.

“Vdekja e viktimës mashkull është konstatuar nga ekipi mjekësor në QKUK. Policia ka nisë një hetim për zbardhjen e rastit”, tha Ahmeti.

Tutje, ajo u shpreh se policia është në kërkim të personit të dyshuar i cili tashmë është identifikuar.