Prishtina, destinacioni numër një i fluturimeve nga Aeroporti i Bazelit

Se fluturimet nga Zvicra drejt Kosovës, gjegjësisht drejt Aeroportit “Adem Jashari” të Prishtinës janë shumë të shpeshta, është një gjë që dihet prej vitesh. Janë më shumë se 5-6 fluturime në ditë që bëhen nga tre aeroportet ndërkombëtare zvicerane drejt Prishtinës, në kohë “normale”, të rregullta, shrkuan albinfo.ch. Ndërsa në kohë pushimesh, ky numër fluturimesh shmëfishohet.

Por, vetëm njëri nga këta tre aeroporte e ka prej vitesh Prishtinën destinacion numër 1. Ai është Aeroporti i Bazelit ose siç njihet me emrin zyrtar “Euro Airport”.

Gazeta “Basler Zeitung” ka publikuar sot edhe shifrat e pasagjerëve që kanë fluturuar në relacionin Bazel – Prishtinë gjatë vitit 2024, duke treguar edhe listën e tri destinacioneve më të mëdha. Gjithnjë, pas Prishtinës!

“Zvicra njihet për diasporën e madhe shqiptare. Prandaj nuk është për t’u habitur që Prishtina ka qenë destinacioni më popullor i shërbyer nga Euro Airport (Aeroporti i Bazelit) për tri vitet e fundit rresht: qoftë për të vizituar anëtarët e familjes apo miqtë në shtëpinë e tyre të dytë. Në vitin 2024, gjithsej rreth 622,000 pasagjerë kanë fluturuar drejt kryeqytetit të Kosovës, transmeto albinfo.ch. Një vit më parë kishte pothuajse 573,000 pasagjerë.

Numri dy në shkallën e popullaritetit për pasagjerët e Euro Aeroportit është Londra. Kryeqyteti i Mbretërisë së Bashkuar tërhoqi 534,000 udhëtarë nga Bazeli vitin e kaluar; Në vitin 2023 ishin 454,000. Londra është shumë e njohur, thanë zyrtarët e aeroportit, kështu që nuk mund të përjashtohet që “The City” së shpejti ta zhvendosë Prishtinën nga vendi i parë në podium.

Stambolli, qyteti më i madh në Turqi, është në vendin e tretë në mesin e destinacioneve më të njohura të udhëtimit. 502,500 pasagjerë fluturuan për në këtë qytet nga Bazeli në vitin 2024. Një vit më parë kishte 477,000 udhëtarë që fluturuan për në Stamboll, në të vetmin qytet në botë që lidh dy kontinente – Evropën dhe Azinë.

Amsterdami sigurisht që është shumë i popullarizuar nga të rinjtë. Por kryeqyteti i Holandës ka gjithashtu shumë për të ofruar për studentët më të rritur që janë të interesuar për artin, për shembull, me Rijksmuseum dhe Muzeun Van Gogh. Vendi i katërt në renditjen e popullaritetit të pasagjerëve nga Basel është i merituar, përcjell albinfo.ch. Në vitin 2024, rreth 362,000 pasagjerë shfrytëzuan mundësinë për të fluturuar nga Bazeli në Amsterdam për disa ditë. Në vitin 2023 ishin rreth 349,000.

The post Prishtina, destinacioni numër një i fluturimeve nga Aeroporti i Bazelit appeared first on Albinfo.