Rama njofton për një festival të ri me Vespa në Prishtinë
Kryetari i Prishtinës, Përparim Rama ka bërë të ditur se më 31 gusht dhe 1 shtator do mbahet festival i kushtuar entuaziastëve të Vespa-s. Sipas tij, ky festival do mbledh në kryeqytet persona nga shumë vende të rajonit. “Festival i mrekullueshëm dy ditor me vespa na pret me 31 gusht – 1 shtator. Entuziastë të […]
![Rama njofton për një festival të ri me Vespa në Prishtinë](https://orainfo.net/wp-content/uploads/2024/06/656285-rama-njofton-per-nje-festival-te-ri-me-vespa-ne-prishtine.jpg)
Kryetari i Prishtinës, Përparim Rama ka bërë të ditur se më 31 gusht dhe 1 shtator do mbahet festival i kushtuar entuaziastëve të Vespa-s.
Sipas tij, ky festival do mbledh në kryeqytet persona nga shumë vende të rajonit.
“Festival i mrekullueshëm dy ditor me vespa na pret me 31 gusht – 1 shtator. Entuziastë të skuterit Vespa nga Kosova, Shqipëria, Maqedonia, Mali i Zi, Kroacia, Greqia dhe Italia do të mblidhen në sheshin “Xhorxh Bush” për të na dhuruar emocione të veçanta.”, ka shkruar kryetari i Prishtinës.
“Gjatë dy ditëve, do të ketë shumë aktivitete për promovimin e kulturës së Vespave dhe Kryeqytetit tonë. Këtë na e premtuan gjatë takimit që kishim me Enisin, Aganin, Arbenin, Vetonin e shumë anëtarë tjerë fantastik të klubit Vespa Fanatics Kosova/ Vespa Kosova.”, shtoi ai.
“Vizitorët do të kenë mundësinë të shijojnë bukuritë e Prishtinës përmes shëtitjeve në parkun e Gërmisë dhe malësitë e Gollakut dhe Marevcit. Ejani të gjithë bashkë në sheshin “Xhorxh Bush” për të përjetuar spektakël”, ka shkruar Rama./Front Online/