Rama reagon pasi studentët s’duan dialog por dorëheqjen e tij (VIDEO)

Kryeministri Edi Rama ka reaguar pas refuzimit të dialogut nga pedagogë dhe intelektualë që iu bashkuan protestës kundër qeverisë, duke përsëritur se është i gatshëm të zhvillojë bisedime me këdo që dëshiron dialog.

Në një video të publikuar në rrjetet sociale, ku shfaqet nga ambientet e brendshme të Kryeministrisë, Rama ka sjellë në vëmendje thirrjet e protestuesve që kërkonin dorëheqjen e tij dhe kundërshtonin dialogun me qeverinë.

“Dorëheqje! Poshtë diktatura! Poshtë komunizmi! Nuk duam dialog! Këto janë thirrjet e pedagogëve dhe intelektualëve të mbledhur këtu poshtë”, shprehet Rama në video.

Rama përsëriti kërkesën se mbetet i hapur për bisedime me protestuesit dhe çdo grup që dëshiron të ulet në tryezën e dialogut, në një kohë kur protestat studentore dhe kundërshtimi ndaj qeverisë vijojnë në kryeqytet.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.