Refuzohet kërkesa për mbrojtje të ligjshmërisë për Momir Pantiqin dhe Zharko Zariqin

Gjykata Supreme e Kosovës ka marrë vendim në çështjen penale ndaj të pandehurve Momir Pantiq dhe Zharko Zariq, të cilët po akuzohen për veprën penale në bashkëkryerje “Krime lufte kundër popullatës civile”.

Kolegji i Gjykatës Supreme ka shqyrtuar kërkesat për mbrojtje të ligjshmërisë të paraqitura kundër vendimeve të Gjykatës Themelore në Prishtinë dhe Gjykatës së Apelit të Kosovës, duke vendosur me aktgjykimin Pml.nr.222/2026 që ato të refuzohen si të pabazuara.

Sipas njoftimit, Supremja në arsyetimin e saj ka vlerësuar se ekziston dyshim i bazuar se të pandehurit kanë kryer veprën penale për të cilën akuzohen, duke konstatuar se janë përmbushur kushtet ligjore për vazhdimin e paraburgimit.

Po ashtu, kjo gjykatë ka konstatuar se gjykatat e instancave më të ulëta kanë dhënë arsye të mjaftueshme ligjore dhe nuk kanë bërë shkelje esenciale të procedurës penale, ndërsa masat alternative ndaj paraburgimit janë konsideruar të pamjaftueshme në rrethanat konkrete të rastit.

Burimi i lajmit:orainfo.net
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.