SHBA, armë të sofistikuara për Ukrainën/ Trump: Putin flet bukur, por më pas i bombardon të gjithë

Presidenti amerikan, Donald Trump ka folur me gazetarët përpara takimit të tij në Uashington DC me shefin e NATO-s Mark Rutte.

“Ne në thelb do t’u dërgojmë atyre [Ukrainës] pjesë të ndryshme ushtarake shumë të sofistikuara”, u tha ai mediave të mbledhura në pistën jashtë Air Force One.

Ai vazhdoi duke thënë se “ata” “do të na paguajnë 100%” – është e paqartë nëse kjo do të thotë Ukrainën, Bashkimin Evropian, anëtarët e NATO-s apo një kombinim të të gjithëve.

Presidenti refuzoi të jepte detaje specifike mbi numrin e armëve që do të merrte Ukraina, por tha se “ne do t’u dërgojmë atyre sisteme Patriot, të cilat u nevojiten me dëshpërim”.

Vendimi për të mbështetur Ukrainën vjen pasi Trump duket se është frustruar nga bisedimet me presidentin rus Vladimir Putin.

“Putini me të vërtetë i habiti shumë njerëz”, shpjegoi Trump. “Ai flet mirë dhe pastaj i bombardon të gjithë në mbrëmje. Pra, ka një problem të vogël këtu. Nuk më pëlqen.”, shtoi ai./abcnews.al