Shumica e zviceranëve tashmë përdorin inteligjencën artificiale

Për herë të parë, më shumë se gjysma e popullsisë zvicerane përdor mjete të inteligjencës artificiale si ChatGPT, sipas studimit të ri Digimonitor të publikuar të martën nga IGEM dhe WEMPF, shkruan Swissinfo, transmeton albinfo.ch.

Të dhënat tregojnë se 60% e banorëve – rreth 3.8 milion njerëz – përdorin të paktën herë pas here aplikacione të bazuara në inteligjencë artificiale, krahasuar me vetëm 40% një vit më parë. Autorët e studimit e cilësojnë këtë zhvillim si hyrje “në rrjedhë kryesore në kohë rekord”.

Hendeku gjeneracional është i theksuar: 79% e të rinjve nga 15 deri në 34 vjeç përdorin AI, ndërsa vetëm 40% e atyre mbi 55 vjeç e bëjnë këtë. Po ashtu, burrat i përdorin këto mjete dukshëm më shpesh sesa gratë.

Studimi mbulon përdorues të internetit të moshës nga 15 deri në 75 vjeç dhe parashikon që deri në vitin 2025 përdoruesit e AI në Zvicër do të përbëjnë shumicën absolute të popullsisë, transmeton albinfo.ch.

The post Shumica e zviceranëve tashmë përdorin inteligjencën artificiale appeared first on Albinfo.