Stuhi pasditën e nesërmes në Zvicër, niveli më i lartë i rrezikut

E premtja ka sjellë mot veror në gjithë Zvicrën. Të shtunën fillimisht do të jetë shumë nxehtë, por orët e mbrëmjes mund të sjellin stuhi.

Në anën veriore të Alpeve, nesër termometri do të ngjitet në 30 gradë. Në Chur, temperaturat mund të arrijnë edhe 33 gradë.

Në orët e mbrëmjes pritet që situata të ndryshojë dhe shkaktar për këtë është një zonë me presion të ulët që do të zgjerohet nga Franca në Gjermaninë jugore gjatë së shtunës. Gjithashtu ka të ngjarë që qelizat e stuhive nga Italia veriore të kalojnë Alpet drejt veriut dhe të sjellin shi të dendur, transmeton albinfo.ch.

Ralph Rickli, parashikues në Meteotest, thotë: “Modelet e ndryshme të motit tregojnë qartë se kemi një situatë stuhie. Përveç kësaj, ka edhe foehn. Skenari më i mundshëm është që moti të mbetet i thatë deri në mbrëmje. Megjithatë, stuhi individuale mund të zbrazen mbi Mittelland që në mbrëmjen e hershme”.

Të dielën do të ftohet

Këto stuhi mund të jenë të rënda, vazhdoi Rickli. “Kushtet janë të përshtatshme, me çdo gjë, nga shiu i dendur deri te breshri dhe stuhitë”. Mirëpo, ai përmendi edhe faktorët që dobësojnë skenarin e përshkruar, kështu që stuhitë do të shkaktojnë kryesisht reshje shiu.

Parashikimi për ditën e diel nuk duket edhe aq i mirë, pasi atëherë temperaturat e larta do të kalojnë. “Të dielën do të ketë vranësira të shumta dhe stuhi të forta. Do të jetë më e freskët rreth 23 gradë”, shkruan SRF Meteo.

Alerte de la Confédération de niveau 3 et 4 pour demain samedi : orages violents possibles. Infos complémentaires & recommandations de comportement sur https://t.co/RmV5FI4gzE, https://t.co/cszrZvupvV ou l'App MétéoSuisse. https://t.co/ZXOgFmcteo #MétéoSuisse #alerteintemperies

— MétéoSuisse (@meteosuisse) June 28, 2024

The post Stuhi pasditën e nesërmes në Zvicër, niveli më i lartë i rrezikut appeared first on Albinfo.