Sulmet mes Izraelit dhe Iranit/ Papa Leoni XIV thirrje për paqe: Askush nuk duhet të kërcënojë ekzistencën e një tjetri

Papa Leoni i XIV ka bërë thirrje për paqe. Ai është shprehur se është shumë i shqetësuar për situatën në Iran dhe Izrael, pasi është përkeqësuar pas sulmeve të fundit.

Ai ka bërë apel që palët të tregohen të përgjegjshëm dhe të angazhohen për ndërtimin e një bote të sigurt dhe paqe të qëndrueshme.

“Askush nuk duhet të kërcënojë ekzistencën e një tjetri. Është detyrë e të gjithë vendeve të mbështesin kauzën e paqes dhe të garantojnë siguri dhe dinjitet për të gjithë”, është shprehur ai.