Swiss pagëzon avionin e ri A350-900: “Lausanne” ngjitet mbi Alpet drejt Cyrihut
Swiss prezanton avionin e ri A350-900, hap kapitull të ri në fluturimet ndërkontinentale The post Swiss pagëzon avionin e ri A350-900: “Lausanne” ngjitet mbi Alpet drejt Cyrihut appeared first on Albinfo.
Avioni më i ri i flotës së Swiss, Airbus A350-900, ka bërë fluturimin e tij të parë nga fabrika e Airbus në Tuluzë drejt Cyrihut, duke shënuar një moment të rëndësishëm për transportuesin kombëtar zviceran, transmeton albinfo.ch.
Në udhëtimin e parë, A350-900 – që mban emrin “Lausanne” – zgjodhi një itinerar mbresëlënës mbi Alpet: fluturoi mbi Liqenin e Gjenevës, Luginën e Ronës, kaloi pranë majës madhështore të Matterhorn-it dhe përfundoi mbi Liqenin e Lucernës.
Në Aeroportin e Klotenit, avioni u prit me traditën e “dushit ujor”, ndërsa dhjetëra adhurues të aviacionit ndoqën uljen rreth orës 15:30.
Në një ceremoni gala, Swiss njoftoi se A350-900 do të shërbejë si gur themeli për zgjerimin e linjave ndërkontinentale. Deri në vitin 2031, kompania planifikon të shtojë edhe nëntë avionë të tillë në flotë.
Me kapacitet prej 242 ulësesh dhe një rreze fluturimi prej rreth 13,700 kilometrash, A350-900 do të debutojë në linjën e tij të parë të gjatë këtë dimër drejt Bostonit.
The post Swiss pagëzon avionin e ri A350-900: “Lausanne” ngjitet mbi Alpet drejt Cyrihut appeared first on Albinfo.
