Tarifat e Trump krijojnë shqetësim në Afrikën e Jugut, mbi 35.000 vende pune në rrezik

Tarifat e reja të shpallura nga Presidenti i SHBA, Donald Trump, kanë ngritur shqetësime të mëdha në Afrikën e Jugut, sidomos në sektorin e agrumeve, që është një nga industrive kryesore të eksportit të vendit. Shoqata e fermerëve të agrumeve të Afrikës së Jugut ka paralajmëruar se vendosja e një tarife prej 31% për eksportet e agrumeve në SHBA do të dëmtonte rëndë këtë industri dhe mund të rrezikonte deri në 35,000 vende pune.

Më 2 prill, Trump shpalli një tarifë prej 10% për të gjitha importet, e cila do të aplikohet për shumicën e shteteve të huaja, përfshirë Afrikën e Jugut. Përveç kësaj, u vendosën tarifa të tjera më të larta për disa vende, duke përfshirë edhe Afrikën e Jugut, ku tarifa për agrume arriti në 31%.

Afrika e Jugut është një nga eksportuesit kryesorë të agrumeve në SHBA, duke dërguar në këtë treg prodhime të tilla si portokalle, limona dhe mandarina. Fermerët e këtij sektori kanë frikë se tarifat e reja do të çojnë në rënien e shitjeve, duke përkeqësuar gjendjen ekonomike për shumë punonjës të industrisë. Ata kanë bërë thirrje për një rishikim të këtyre politikave dhe për mundësi negociatash që mund të lehtësojnë ndikimin negativ të këtyre tarifave.

Sektori i agrumeve është shumë i rëndësishëm për ekonominë e Afrikës së Jugut, pasi kontribuon me miliona dollarë në eksporte dhe ofron mijëra vende pune, përfshirë në zonat rurale.

/ abcnews.al